ماضی کی نسبت آج شوبز میں آنے والوں کو زیادہ مشکلات کا سامنا نہیں کرنا پڑا :عطاء اللہ عیسیٰ خیلوی

لاہور ( این این آئی) گلوکار عطاء اللہ عیسیٰ خیلوی نے کہاہے کہ ماضی کی نسبت آج شوبز میں آنے والوں کو زیادہ مشکلات کا سامنا نہیں کرنا پڑا کیونکہ اب والدین اپنے بچوں کو خود سپورٹ کرتے ہیں۔
تفصیلات کے مطا بق اپنے عطااللہ عیسیٰ کا کہنا تھاکہ میں نے مشکلات کا دور دیکھا ہے اور اپنی کامیابی کے لئے مجھے انتھک محنت کرنا پڑی اور پھر مختلف جگہوں پر ملازمتیں کرنے کے بعد داتا کی نگری لاہور میرے لیے کامیابی کے دروازے کھول دیئے اور خدا کی ذات نے مجھے وہ عزت ، مقام اور مرتبہ دیا جس کا میں نے کبھی خواب میں بھی نہیں سوچا تھا ۔انہوں نے کہا کہ آج میں نے اپنے بیٹے سانول کو اسکی مرضی کے مطابق شعبے میں جانے دیا اور بیٹی بھی اعلیٰ تعلیم حاصل کر رہی ہے اور وہ بھی اپنی مرضی کے شعبے میں جا سکتی ہے۔