لاہور(نیوز وی او سی آن لائن)پاکستان سپر لیک کے تیسرے ایڈیشن کے لئے تمام فرنچائزز نے اپنے سکواڈز مکمل کر لئے ہیں، لاہور قلندرز نے ٹیلنٹ ہنٹ پروگرام سے سلمان ارشاد جبکہ سلور کیٹگری میں عمران خان جونئیر کا انتخاب کیا۔پاکستان کے لیے 12 ٹیسٹ میچز کھیلنے والے 28 سالہ شان مسعود کو ملتان سلطانز نے سلور کیٹگری میں منتخب کیا۔
راحیل شریف کو نوکری کس نے دلوائی؟ حامد میر نے تہلکہ خیز انکشاف کردیا ، کسی نے سوچا بھی نہ تھا کہ۔۔۔۔۔۔۔۔۔
پی ایس ایل کے اب تک کے دونوں ایڈیشنز میں فائنل کھیلنے والی کوئٹہ گلیڈی ایٹرز نے بائیں ہاتھ کے سپنر محمد جنید کو اپنے اسکواڈ میں شامل کیا۔ انہیں کوئٹہ میں ہونے والے ٹیلنٹ ہنٹ پروگرام کے دوران تلاش کیا گیا تھا ،16 سالہ جنید مئی 2002 میں پیدا ہوئے تھے اور اگر پی ایس ایل کھیلنے میں کامیاب ہوجاتے ہیں تو ٹورنامنٹ کھیلنے والے کم عمر کرکٹر ہوں گے۔ جنید انڈر 19 ٹیم کے لیے بطور اضافی کھلاڑی بھی منتخب کیے گئے ہیں۔پشاور زلمی نے بنوں سے تعلق رکھنے والے 22 سالہ خوش دل شاہ کو اپنی ٹیم میں شامل کیا۔ خوش دل خان کی ڈومیسٹک کرکٹ میں کارکردگی متاثر کن رہی ہے۔سابق چیمپئن اسلام آباد یونائیٹڈ نے 16 سالہ روحیل نظیر کو اپنے اسکواڈ میں شامل کرلیا ہے۔ روحیل ان دنوں پاکستان کی انڈر19 ٹیم کے ساتھ آسٹریلیا میں موجود ہے جس کے بعد وہ نیوزی لینڈ میں عالمی کپ کھیلنے جائیں گے۔اس کے علاوہ کراچی کنگز نے ایمرجنگ کیٹیگری میں محمد طحہٰ کا انتخاب کیا ہے جبکہ مشتاق احمد کلہوڑو کو بھی ٹیم میں شامل کیا گیا ہے جنہیں فرنچائز نے اپنے ٹیلنٹ ہنٹ پروگرام میں تلاش کیا تھا۔
