راولپنڈی(نیوز وی او سی آن لائن)آرمی چیف جنرل قمر جاوید باجوہ کا کہناہے کہ ہم دہشت گردی کے خلاف جنگ کے لیے پرعزم ہیں ،دہشتگردی کیخلاف جنگ میں مصروف سہی اس کے باوجود روایتی دشمن کے خطرات نظراندازنہیں کر سکتے-
پاک فوج کے شعبہ تعلقات عامہ (آئی ایس پی آر)کے مطابق آرمی چیف جنرل قمر جاوید باجوہ نے بہاولپور کا دورہ کیا جس میں انہوں نے وہاں ہونے والی سرماکی مجموعی ٹریننگ مشقوں کا جائزہ لیا۔آرمی چیف کوموسم سرما کی فوجی مشقوں پر کور کمانڈربہاولپور لیفٹینٹ جنرل شیر افگن نے بریفنگ دی،انہوں نے جوانوں کی پیشہ ورانہ مہارت اور تربیت کے اعلی معیار کو سراہا۔
