لاہور(ڈیلی پاکستان آن لائن)پاکستان کرکٹ ٹیم کے ہیڈ کوچ مکی آرتھر کا کہنا ہے کہ فواد عالم کو سیلیکٹرز کی توجہ حاصل کرنے کے لیے جارحانہ کھیل پیش کرنے کی ضرورت ہے، انہیں اپنی کارکردگی میں تسلسل اور ٹیم میں منتخب ہونے کے لیے زیادہ باونڈریز لگانے کی بھی ضرورت ہے-
پاکستان کرکٹ ٹیم کے ہیڈ کوچ مکی آرتھر کا کہنا تھا کہ فواد عالم کو نیشنل کرکٹ اکیڈمی میں طلب کیا گیا تھا جہاں سیلکٹرز کو موقع ملا کہ ان کی تیکنیک اور اسٹروک کو جانچیں اور دیکھا جائے کہ وہ زیادہ باونڈریز کیسے حاصل کرتے ہیں۔ان کا این سی اے میں موجودگی اچھا موقع تھا جہاں ہمیں طویل طرز کے لیے ان کی فٹنس کے حوالے سے جاننے کا موقع ملا۔
مکی آرتھر نے مزید کہا کہ وہ چاہتے ہیں کہ ہر کھلاڑی انفرادی طور پر اپنی کارکردگی کو بہتر بنائے۔
انھوں نے پاکستانی کھلاڑیوں کو ٹی ٹوئنٹی میں آئی سی سی کی درجہ بندی میں سرفہرست پوزیشن حاصل کرنے کے بعد اپنی توجہ کھیل پر ہی مرکوز رکھنے کی ہدایت کی۔ہیڈکوچ کا کہنا تھا کہ ہماری ٹی ٹوئنٹی ٹیم بہترین کھیل کا مظاہرہ کررہی ہے اور میرے خیال میں ہماری ایک روزہ ٹیم بھی بہتر ہے تاہم اب ہمیں ٹیسٹ کرکٹ میں بھی پھر سے سرفہرست آنے کی ضرورت ہے۔
فاسٹ باولر سہیل خان پر بات کرتے ہوئے مکی آرتھر نے کہا کہ سہیل خان جو کررہے ہیں وہ قابل تعریف ہے تاہم وہ ایک دہائی پرانے ہیں
