کراچی(مانیٹرنگ ڈیسک) کراچی میں قانون نافذ کرنے والے اداروں کی جرائم پیشہ افراد کے خلاف کارروائیاں جاری ہیں۔ لیاری میں گینگ وار کے دو ملزم جبکہ سپر ہائی وے ٹوپ پلازہ کے قریب مقابلے میں ایک ڈاکو ہلاک ہوگیا،بس جلانے کے الزام میں تین افراد کو گرفتار بھی کرلیا گیا ہے۔ تفصیلات کے مطابق ۔لیاری کے علاقے بغدادی میں سلاٹرہاو¿س کے قریب پولیس نے مبینہ پولیس مقابلے کے بعد گینگ وار کے 2 ملزم ہلاک کر دیئے، پولیس کے مطابق ہلاک ملزمان کاتعلق گینگ وارکے عذیر بلوچ گروپ سے تھا، ملزمان کے قبضے سے اسلحہ اور دستی بم برآمد ہوا جبکہ سپر ہائی وے ٹول پلازہ کے قریب پولیس نے مبینہ مقابلے کے بعد ایک ڈاکو ہلاک کردیا، ڈاکو کے 3 ساتھی فرار ہوگئے۔
دوسری جانب سرجانی کے علاقے گلشن شیراز میں پولیس نے مبینہ مقابلے کے بعد ایک ملزم کو زخمی حالت میں گرفتار کر لیا، گرفتار ملزم کے قبضے سے اسلحہ بھی برآمد ہواہے۔ ادھر بھینس کالونی میں پولیس نے کارروائی کرتے ہوئے شہر میں بس جلانے کے واقعے میں ملوث تین ملزموں کو گرفتار کرلیا، پولیس کے مطابق ملزموں کا تعلق سیاسی جماعت سے ہے
