کراچی: وزیراعظم نواز شریف مختلف تقاریب میں شرکت کے لیے ایک روزہ دورے پر کراچی پہنچے ہیں۔
ایکسپریس نیوزکے مطابق کراچی پہنچنے پروزیراعظم نوازشریف کا استقبال گورنر سندھ ڈاکٹر عشرت العباد اور وزیر اعلیٰ سندھ مراد علی شاہ نے کیا۔ وزیراعظم کے ہمراہ وزیرخزانہ سنیٹر اسحاق ڈار اور دیگر وزرا اور اعلیٰ سرکاری حکام بھی ہیں۔
اپنے دورے کے دوران وزیراعظم کراچی اسٹاک ایکس چینج میں منعقدہ تقریب سے خطاب اوربرآمد کنندگان کوایوارڈز سے نوازیں گے ۔ اس کے علاوہ وزیراعظم کی کراچی میں چاول کے برآمد کنندگان سے ملاقات بھی طے ہے۔
