تہران(نیوز وی او سی ) ایرانی صدر حسن روحانی نے سعودی عرب کو خبردار کیا ہے کہ ایران کو للکارا نہ جائے۔ اُن کے بقول ایران کو ڈرانے دھمکانے سے ریاض حکومت کو کچھ حاصل نہیں ہو گا۔ روحانی نے مزید کہا کہ ایرانی عوام کی طاقت کی وجہ سے سعوی عرب آج تک ان کا کچھ بگاڑ نہیں سکا ہے ۔ اُن کا یہ بھی کہنا تھا کہ امریکہ نے بھی اپنے تمام اتحادیوں کو ملا کر ایران کے خلاف مہم چلائی،تاہم اس سے کچھ حاصل نہیں ہو سکا۔
