اسلام آباد (نیوز وی او سی) انٹی نارکوٹکس فورس پاکستان منشیات کے خلاف فرائض انجام دینے والا پاکستان کا کلیدی ادارہ ہے جو معاشرے کو منشیات سے پاک کرنے کیلئے سرگرم عمل ہے اینٹی نارکوٹکس فورس کی جانب سے عوامی شکایات کے اندراج اور عوام الناس کو سہولت فراہم کرنے کی غرض سے رسائی نمبر 1415 فعال کردیا گیا ہے ،جو ہفتہ کے ساتوں دن 24 گھنٹے فعال رہے گااس عوامی نمبر پر منشیات فروشی، سمگلنگ اور منشیات سے متعلق کسی بھی سرگرمی کی اطلاع دی جاسکتی ہے شکایت کنندہ کا نام اورذاتی کوائف صیغہ راز میں رکھے جائیں گے۔
