پاکستان نے دہشتگردی کیخلاف کامیاب جنگ لڑی،جو قربانیوں کا ادراک نہیں کرتے تاریخ ان کو بتائے گی،اعزاز چودھری

نیویارک(نیوز وی او سی آن لائن)امریکا میں پاکستان کے سفیر اعزاز چودھری نے کہا ہے کہ پاکستان نے دہشت گردی کےخلاف کامیاب جنگ لڑی،جوقربانیوں کاادراک نہیں کرتے تاریخ ان کوبتائے گی،ان خیالات کا اظہار انہوں نے امریکن پاکستانی پولیٹیکل ایکشن کمیٹی کے زیر اہتمام تقریب سے خطاب کرتے ہوئے کیا،تقریب میں اعزازچودھری اورکانگریس مین اینڈروکارسن کے علاوہ پاکستانیوں کی بڑی تعدادمیں شرکت کی۔
پاکستانی سفیر کا کہنا تھا کہ افغان بد امنی سے سب سے زیادہ نقصان پاکستان نے اٹھایا ، افغانستان میں امن کےلئے مل کرکام کرناہوگا، پاکستان افغانستان میں امن کاکسی بھی دوسرے ملک سے زیادہ خواہش مندہے،انہوں نے کہا کہ امریکامیں کسی کوبھی سیاست میں حصہ لینے کی آزادی ہے۔
کانگریس مین اینڈروکارسن کا کہنا تھا پاکستانیوں کوامریکی سیاست میں بھرپورحصہ لیناچاہئے،پاکستانی سیاست میں آکرامریکی معاشرے میں بھرپورکرداراداکرسکتے ہیں۔