گوجرانوالہ 30 اکتوبر 2017
(بیورو چیف پاکستان بشیر باجوہ نیوز وائس آف کینیڈا)
نواز شریف سے پہلے پاکستان میں کوئی دن ایسا نہیں گزرتا تھا جب دہشت گرد حملہ نہ ہوتا ہو ،ْ دیکھیں کیسے پاکستانیوں کی بہتری کے لئے چیزیں تبدیل ہو گئی ہیں ،ْ شکریہ نواز شریف ،ْ ٹوئٹ جتنا نواز شریف کو دبایا جائے گا وہ اتنے ہی زیادہ طاقتور ہوں گے
سابق وزیراعظم نواز شریف کی صاحبزادی مریم نواز نے کہا ہے کہ کیا کسی نے سوچا تھا کہ 5 سال کے اندر پاکستان میں کرکٹ بحال ہو جائیگی یہ نواز شریف نے ہی پاکستان کے لئے کیا ہے۔مریم نواز نے سوشل میڈیا پر اپنے ٹویٹ میں کہا کہ پاکستان میں انٹرنیشنل کرکٹ بحال ہو گئی ہے، تمام لوگوں کیلئے امن اور سیکیورٹی بحال ہو گئی ہے ،ْ شکریہ نواز شریف۔
پاکستان مسلم لیگ (ن) کی رہنما کا کہنا تھا کہ آج کرکٹ اسٹیڈیم شائقین سے بھرا ہوا ہے، کیا کسی نے سوچا تھا کہ پاکستان میں 5 سالوں کے اندر ایسا ہو گا نہیں! یہ نواز شریف ہے جس نے یہ سب پاکستان کیلئے کیا ہے۔مریم نواز کا کہنا تھا کہ نواز شریف سے پہلے پاکستان میں کوئی دن ایسا نہیں گزرتا تھا جب دہشت گرد حملہ نہ ہوتا ہو، دیکھیں کیسے پاکستانیوں کی بہتری کے لئے چیزیں تبدیل ہو گئی ہیں۔انہوں نے ’’روک سکو تو روک لو‘‘ والے ہیش ٹیگ کے ساتھ لکھا کہ جتنا نواز شریف کو دبایا جائے گا وہ اتنے ہی زیادہ طاقتور ہوں گے۔
