بنی گالا کے باہر خیبر پختونخواہ کے اساتذہ کا احتجاج ختم،عمران خان سے مذاکرات کامیاب

اسلام آباد18 اکتوبر2017
(بیورو چیف پاکستان بشیر باجوہ، نیوز وائس آف کینیڈآ)
عمران خان کی رہائش کے باہر اساتذہ کا احتجاج جاری ہے جس پر تحریک انصاف نے انہیں احتجاج ختم کرنے کی وارننگ بھی دی تھی تاہم اساتذہ نے جواب دیتے ہوئے کہا کہ مذاکرات کی کامیابی تک دھرنا جاری رکھیں گے ۔اس کے بعد عمران خان نے ہیلی کاپٹر کے ذریعے خیبر پختونخواہ سے بنی گالا پہنچ کر اساتذہ کے پاس اپنا نمائندہ بھیجا اور انہیں مذاکرات کی دعوت دی ۔دوسری جانب عمران خان نے اساتذہ کے مطالبات مان لیے ہیں،اور ان پر جلد از جلد عملدرآمد کی یقین دہانی کرادی ہے-واضح رہے کہ خیبرپختونخوا سے تعلق رکھنے والے 600 سے زائد مرد و خواتین اساتذہ بنی گالہ میں چیرمین تحریک انصاف عمران خان کی رہائش گاہ کے باہر احتجاج کر رہے تھے۔ مظاہرین نے پی ٹی آئی چیئرمین کے گھر جانے والے تمام راستے ہی بند کردیئے۔مظاہرین نے ملازمتوں کے کنٹریکٹ ختم ہونے سے پہلے ریگولائز کرنے اور اپ گریڈیشن کا مطالبہ کیا تھا ۔