کراچی 11 اکتوبر
(بیورو رپوٹ پاکستان کاشف رضا سے نیوز وائس آف کینیڈا)
جون میں 2 قیدیوں کے فرار کے بعد دیگر اہلکاروں کے ساتھ نواب کو بھی گرفتار کیا گیا تھا
سینٹرل جیل سے 2 خطرناک قیدیوں کے فرار کیس میں گرفتارپولیس اہلکار اسپتال میں دم توڑ گیا۔کراچی سینٹرل جیل سے دو دہشتگردوں کے فرار کے معاملے میں تحقیقات جاری ہیں اور اس سلسلے میں کئی افسران اور اہلکار تاحال گرفتار ہیں، جن میں نواب نامی ایک اہلکار بھی شامل تھا تاہم دوران قید اس کی حالت بگڑ گئی تھی، جس پر اسے اسپتال منتقل کردیا گیا تھا۔جیل حکام کا کہنا ہے کہ نواب پچھلے کچھ عرصے سے ہیپاٹائٹس کے مرض میں مبتلا تھا، جیل اور اسپتال میں اسے مکمل طبی سہولیات میسر تھیں تاہم وہ جانبر نہ ہوسکا۔واضح رہے کہ رواں برس جون میں سینٹرل جیل سے دو خطرناک قیدیوں کے فرار کے بعد سے اب تک 2 مقدمات درج کئے جاچکے ہیں۔
