کوئٹہ، چمن روڈ پر 2 آئل ٹینکر الٹ گئے،45 ہزار لٹر پٹرول بہہ گیا،ڈرائیور سمیت 6 افراد زخمی

چمن (نیوز وی او سی آن لائن)کوئٹہ میں چمن روڈ پر 2آئل ٹینکر الٹ گئے ،ایک آئل ٹینکر میں موجود45 ہزار لٹر پٹرول بہہ گیا ،ڈرائیور سمیت 6 افراد زخمی،میڈیا رپورٹس کے مطابق آئل ٹینکرالٹنے کے واقعات پرانا چمن اور ملت آباد کے قریب پیش آئے جہاں دونوں آئل ٹینکر تیز رفتاری کے باعث الٹ گئے ،پرانا چمن کے قریب حادثے میں 4 جبکہ ملت آباد میں 2 افراد زخمی ہو گئے ،زخمیوں میں 2 بچے بھی شامل ہیں ،حادثے کی اطلاع ملتے ہی ایف سی اہلکار موقع پر پہنچ گئے اور علاقے کو گھیرے میں لے لیا جبکہ زخمیوں کو طبی امداد کیلئے ہسپتال منتقل کر دیاگیا۔