ندن ( اسپورٹس ڈیسک) سابق آسٹریلین لیگ اسپنر شین وارن پر الزام عائد کیا گیا ہے کہ انہوں نے لندن کے نائٹ کلب میں برطانوی اداکارہ ولیری فوکس کے ساتھ مار پیٹ کی ہے ۔اداکارہ نے ٹوئٹر پر اپنی تصاویر بھی جاری کی ہیں جن میں ان کے چہرے پر مبینہ طور پر تشدد کے نشانات ہیں۔ دونوں میں لڑائی کا واقعہ گزشتہ ہفتے پیش آیا تھا جس کے بعد 30سالہ خوبرواداکارہ نے شین وارن کیخلاف مقامی تھانے میں تحریری شکایت کی۔پولیس نے معاملے کی تحقیقات شروع کردی ہیں جبکہ نائٹ کلب میں لگے سی سی ٹی وی کیمروں کی ویڈیو زبھی حاصل کرلی گئی ہیں ۔
