نئی دہلی (آئی این پی) بھارتی ریاست مدھیہ پردیش کی حکومت نے سرکاری اسکولوں کے بچوں کیلئے ایک نیا حکم نامہ جاری کیا ہے ، اس کے تحت اسکولوں میں حاضری کے وقت بچے یس سر اور یس میڈم نہیں بلکہ ‘‘جے ہند’’ کہا کریں گے ، وزیر تعلیم کے مطابق اس حکم پر یکم اکتوبر سے عملدرآمد ہو گا ، انہوں نے کہا کہ اگلے مرحلے میں نجی اسکولوں پر بھی اس حکم کا اطلاق کردیا جائے گا، دوسری جانب دانشوروں نے اس اقدام کی مذمت کرتے ہوئے کہا کہ ریاستی حکومت کا فیصلہ غلط ہے ، اس سے بچے ذہنی دبائو کا شکار ہوجائیں گے ۔
