اسلام آباد(اسپورٹس رپورٹر)سابق قومی کپتان اور فاسٹ بالر وقار یونس کے اسلام آباد یونائیٹڈ سے منسلک ہونے کا روشن امکان ہے ،ذرائع کے مطابق پی ایس ایل فرنچائز ان سے معاہدے کو جلد حتمی شکل دینے کی خواہاں ہے ۔ ماضی قریب میں ان کے ملتان سلطانز کے ساتھ مذاکرات کامیاب نہیں ہو سکے اور فرنچائز میں موجود سابق ساتھی پیسر وسیم اکرم کے ساتھ ان کی نئی رفاقت کی کوشش ناکام ہو گئی تاہم اب وہ وسیم اکرم کی سابق ٹیم اسلام آباد یونائیٹڈ سے رابطے میں ہیں اور معاہدے کے متعلق ان کی بات چیت حتمی مراحل میں داخل ہو گئی ہے ۔
