اسلام آباد 28 اگست 2017
(بشیر باجوہ بیورو چیف پاکستان نیوز وائس آف کینیڈا)
قومی اسمبلی کی پارلیمانی جماعتوں کے اجلاس میں شرکت کی دعوت دیدی
سپیکرقومی اسمبلی ایازصادق نے اپوزیشن لیڈرسیدخورشیدشاہ سے رابطہ کیاہے اورانہیں قومی اسمبلی کی پارلیمانی جماعتوں کے اجلاس میں شرکت کی دعوت دیدی ۔اتوارکے روزسپیکرقومی اسمبلی سردارایازصادق نے اپوزیشن لیڈرسیدخورشیدشاہ کوفون کیااورانہیں پارلیمانی جماعتوں کے اجلاس میں شرکت کی دعوت دیتے ہوئے کہاکہ پارلیمانی جماعتوں کے مہذب پلیٹ فارم سے امریکی صدرڈونلڈٹرمپ کے بیانات پراپنے جذبات کااظہارکریں۔
سپیکر ایازصادق نے خورشیدشاہ سے گفتگومیں کہاکہ امریکہ نے پاکستان کی قربانیوں کوتسلیم نہ کرکے پاکستان کوسوچنے پرمجبورکردیا۔کاش امریکہ کوپاکستان کی قربانیوں کاادراک ہوتا۔انہوںنے کہاکہ دہشتگردی کے خلاف جنگ میں پاکستان کی قربانیاں امریکہ کوتسلیم کرنی ہوں گی ،امریکہ کی پاکستان کودھمکی اوربھارت کوتھپکی کی پالیسی نہیں چلے گی۔
