اے ایس آئی کی سب انسپکٹر کے عہدے پر ترقی ۔سٹی پولیس آفیسر اشفاق خان کی مبارک باد۔

گوجرانوالہ 24 اگست 2017
(بشیر باجوہ بیورو چیف پاکستان نیوز وائس آف کینیڈا)
اے ایس آئی کی سب انسپکٹر کے عہدے پر ترقی ۔سٹی پولیس آفیسر اشفاق خان کی مبارک باد۔ بیج لگائے ۔ دل جمعی سے کام کرنے کی ہدایت ۔ پانچ ہزار روپے نقد انعام اور تعریفی سند بھی دی ۔
کام میں عزت اور عظمت ہے ۔محنت اور دیانتداری سے فرائض منصبی انجام دئیے جائیں ۔ان خیالات کا اظہار گزشتہ روز سٹی پولیس آفیسر اشفاق خان نے تھانہ سیٹیلائیٹ ٹاؤن میں تعینات اسسٹنٹ سب انسپکٹر ظفر اقبال کو سب انسپکٹر کے عہدے پر ترقی یاب ہونے پرکیا۔ انہوں نے اپنے آفس میں ظفر اقبال کو سب انسپکٹر کے بیج لگائے ۔ اور ان کے لئے نیک تمناؤؤں کا اظہار بھی کیا ۔ سی پی او نے بہتر کارکردگی پر انہیں پانچ ہزار روپے نقد انعام اور تعریفی سند بھی دی ۔سی پی او نے مزید کہا کہ ترقی و کامیابی کے لئے ضروری ہے کہ انسان منفی ہتھکنڈوں سے باز رہے اورصدق دل سے مخلوق خدا کی بے لوث خدمت کر کے دعائیں لے۔اس موقع پر اظہار خیال کرتے ہوئے سب انسپکٹر ظفر اقبال نے کہا کہ وہ اپنی تمام تر توانائیاں محکمہ کی عزت کے لئے صرف کریں گے ۔ اپنے سئےئر افسران اور عوام کو شکایت کا موقع نہیں دیں گے۔