کاراکاس: وینزویلا کی جیل میں سیکورٹی فورسز کی جانب سےکیے گئے آپریشن کے دوران قیدیوں کی جانب سے مزاحمت کے نتیجےمیں 37 قیدی ہلاک ہو گئے۔
تفصیلات کے مطابق وینزویلا کی جیل کو پرتشدد گروپوں سے چھڑانے کے لیےسیکورٹی فورسز کی جانب سے کیے گئے آپریشن پر قیدیوں کی جانب سے مزاحمت کے نتیجے میں 37 قیدی ہلاک ہو گئے۔
حکام کا کہنا ہے کہ شدت پسند گروپوں سے جیل کا کنٹرول واپس حاصل کرنے کے لیے رات گئے آپریشن شروع کیا گیا تو قیدیوں کی جانب سے مزاحمت کی گئی جس پر بڑی تعداد میں قیدیوں کی ہلاکتیں ہوئیں۔
خیال رہے کہ وینزویلا میں انسانی حقوق کے وکیلوں کی جانب سے مسلسل یہ شکایات سامنے آ رہی تھیں کہ پرتشدد گروپوں کا ملک کے بہت سے جیلوں پر کنٹرول ہے اور وہ وہاں منشیات فروشی اور ہتھیاروں کی خرید و فروخت عام ہے۔
واضح رہے کہ گزشتہ ماہ وینزویلا میں مسلح افراد نے قومی اسمبلی پرحملہ کیا تھا جس میں اپوزیشن ارکان سمیت متعدد افراد کو تشدد کا نشانہ بنایا گیا تھا۔
