راولپنڈی 7 اگست 2017
(بشیر باجوہ بیورو چیف پاکستان نیوز وائس آف کینیڈا)
پاک فوج کے شعبہ تعلقات عامہ (آئی ایس پی آر) کے مطابق فرنٹیئر کانسٹیبلری نے بلوچستان کے ضلع کوہلو اور ڈیرہ بگٹی میں کارروائی کی، اس دوران سیکیورٹی فورسز اور دہشت گردوں کے درمیان فائرنگ کا تبادلہ ہوا جس میں 4 دہشت گرد ہلاک ہو گئے جبکہ ایک ایف سی اہلکار بھی زخمی ہوا۔ ترجمان پاک فوج کے مطابق ہلاک دہشت گرد بھتہ خوری، اغواء برائے تاوان اور سیکیورٹی فورسز پر حملوں میں ملوث تھے۔ ترجمان پاک فوج کے مطابق کارروائی کے دوران ہلاک دہشت گردوں کے قبضے سے آئی ای ڈیز، دھماکہ خیز مواد اور مواصلاتی سامان بھی برآمد ہوا۔
