شیخ رشید کی تقریرمیں نیوزلیکس اور مریم نواز کا ذکر،کیپٹن (ر)صفدراورعابد شیرعلی بھڑک اٹھے

اسلام آباد 1 اگست 2017
(بشیر باجوہ بیورو چیف پاکستان نیوز وائس آف کینیڈا)
مسلم لیگ ن کے مرکزی رہنماء کیپٹن (ر)صفدراور عابد شیرعلی شیخ رشید کی تقریرپربھڑک اٹھے،جس پرپی ٹی آئی کے رہنماء مرادسعید ودیگرکے درمیان خوب لفظی جھڑپ بھی ہوئی۔ میڈیا رپورٹس کے مطابق قومی اسمبلی میں قائد ایوان شاہد خاقان عباسی کے انتخاب کے بعد شیخ رشید نے اپنی تقریر کے دوران نیوزلیکس اور مریم نوازکیخلاف تنقید شروع کردی۔ جس پر عابد شیرعلی اور کیپٹن (ر)صفدربھڑک اٹھے۔ دونوں نے شیخ رشید پرجملے کسناشروع کردیے۔جس پرپی ٹی آئی اور ن لیگی رہنماؤں کے درمیان تلخ کلامی بھی ہوئی۔ تاہم اسپیکرنے مداخلت کرکے ماحول کوٹھنڈا کیا۔