پریانکا تیسری ہالی ووڈ فلم میں کاسٹ

کیلی فورنیا(شوبز ڈیسک )پریانکا چوپڑا بالی ووڈ میں شاندار کیریئر بنانے کے بعد اب ہالی ووڈ میں بھی تیزی سے قدم جما رہی ہیں۔انہوں نے امریکا میں اپنے ٹی وی شو ’کوانٹیکو‘ سے آغاز کیا، جس کے بعد اپنی پہلی ہالی ووڈ فلم ’بے واچ‘ سائن کی، اس فلم کے بعد پریانکا کو ’اے کڈ لائک جیک‘ کی آفر موصول ہوئی جو رواں سال ریلیز ہوگی۔ اور اب 34 سالہ پریانکا چوپڑا نے اپنی تیسری ہالی ووڈ فلم سائن کرلی ہے ، جس میں وہ ایک یوگا سفیر کے روپ میں نظر آئیں گی۔اس فلم کا نام ’’ازنٹ اٹ رومانٹک؟ ‘‘ یعنی ‘کیا یہ رومانوی نہیں؟’ رکھا گیا ہے ، جس میں پریانکا چوپڑا ایزابیلا نامی کردار میں دکھائی دیں گی۔اس فلم کی کہانی رومانوی اور کامیڈی پر مبنی ہوگی۔ فلم 2019 میں 14 فروری یعنی ویلنٹائنز ڈے پر ریلیز ہوگی۔