جرائم پیشہ عناصر کے خلاف منظم کارروائیاں جاری رہیں گی ۔۔سٹی پولیس آفیسر اشفاق خان

بشیر باجوہ بیورو چیف پاکستان نیوز وائس آف کینیڈا)

عرفان عرف فانو موٹر سائیکل چورگینک کے دو ارکان گرفتار
تین موٹر سائیکل اور دو پسٹل برآمد ۔گروہ کا ایک ملزم قتل کے مقدمہ میں بھی جیل جا چکا ہے۔
جرائم پیشہ عناصر کے خلاف منظم کارروائیاں جاری ہیں ۔۔سٹی پولیس آفیسر اشفاق خان
سٹی پولیس آفیسر اشفاق خان کی زیر نگرانی سی آئی اے ونگ نے اعلیٰ کارکردگی کا مظاہرہ کرتے ہوئے رہزنی کی متعدد وارداتوں میں ملوث عرفان عرف فانی دو رکنی گروہ گرفتار کر کے ان کے قبضہ سے تین موٹر سائیکل اور دوپسٹل برآمد کئے ہیں۔گرفتار کئے گئے ملزمان میں عرفان سکنہ عبداللہ پور نوشہرہ و رکاں اور باقر مغل سکنہ سلطان پورہ حافظ آبا د روڈ شامل ہیں ۔تفصیلات کے مطابق گزشتہ ماہ تھانہ باغبانپورہ اور قلعہ دیدار سنگھ کے علاقے میں تین موٹر سائیکل چوری ہوئے ۔ ملزمان کی گرفتار ی کے لئے سٹی پولیس آفیسر ا شفاق خان نے ڈی ایس پی سی آئی اے ودیگر ملازمان پر ٹیم تشکیل دی ۔ ٹیم نے سی پی اواشفاق خان کی نگرانی میں جرائم پیشہ عناصر کا ڈیٹا اکٹھا کیا اور مختلف زاویوں سے تفتیش عمل میں لاتے ہوئے فانی گینگ کے دو ا رکان گرفتار کئے ۔ ملزمان نے دوران تفتیش انکشاف کیا کہ انہوں نے رواں سال مئی کے مہینے میں گورونانک پورہ اور قلعہ دیدار سنگھ سے دو موٹر سائیکل چوری کئے جب کہ نوشہرہ روڈ کے قریب سے ماہ جون میں موٹر سائیکل چرایا۔ملزمان ریکارڈ یافتہ ہیں ۔ملزم نے مزید انکشاف کیا کہ اس نے ڈیرھ سال قبل گرجاکھ کے علاقے میں معمولی رنجش پر اپنے محلے دار کو فائرنگ کر کے قتل کر دیا تھا ۔ملزمان سے تفتیش جاری ہے ۔ اہم انکشافات کی توقع ہے۔ سٹی پولیس آفیسر اشفاق خان کا اس موقع پر کہنا ہے کہ جرائم پیشہ عناصر کے خلاف منظم کارروائیاں جاری ہیں ۔