اسلام آباد: چیف جسٹس آف پاکستان جسٹس میاں ثاقب نثار نے کوئٹہ کے جی پی او چوک پر رکن بلوچستان اسمبلی کی گاڑی سے پولیس اہلکار کو کچلنے کے واقعے کا از خود نوٹس لےلیا ہے۔
چیف جسٹس آف پاکستان میاں ثاقب نثار نے کوئٹہ کے جی پی او چوک پر رکن بلوچستان اسمبلی کی گاڑی سے پولیس اہلکار کو کچلنے کے واقعے کا از خود نوٹس لیتے ہوئے رپورٹ طلب کرلی ہے۔ واقعے کا نوٹس میڈیا رپورٹس کی بنیاد پر لیا گیا ہے۔
دوسری جانب سوشل میڈیا پر واقعے کی نئی وڈیوز اور تصاویر وائرل ہوئی ہیں جن میں یہ دیکھا جاسکتا ہے کہ واقعے کے وقت گاڑی پشتون خوا ملی عوامی پارٹی کے سربراہ محمود اچکزئی کے چچا زاد بھائی مجید اچکزئی ہی چلارہے تھے۔
واضح رہے کہ ایم پی اے مجید اچکزئی کی گاڑی نے کوئٹہ جی پی او چوک پرپولیس اہلکار کو کچل دیا تھا لیکن پولیس نے معاملے کو دبانے کے لیے نامعلوم افراد کے خلاف مقدمہ درج کیا تھا۔ اس کے علاوہ انہیں جیل میں بھی وی آئی پی پروٹوکول دیا گیا تھا۔
