(بشیر باجوہ بیورو چیف پاکستان نیوز وائس آف کینیڈا)
مقبوضہ کشمیر میں جمعتہ الوداع پر بھارتی مظالم کے خلاف احتجاجی ریلیاں ،،، آج یوم کشمیر اور یوم القدس منایا گیا ،، دودن میں بھارتی فورسز کے ہاتھوں 6 کشمیری شہید ہوچُکے ہیں
مسجد الحرام مسلمانوں سے کھچا کھچ بھری ہوئی تھی ، نماز کے بعد امت مسلمہ اور اتحاد بین المسلمین کیلئے خصوصی دعائیں کی گئیں
مکہ مکرمہ میں جمعہ الوادع کا روح پرور اجتماع ہوا جس میں لاکھوں مسلمانوں نے شرکت کی ۔ مسجد الحرام میں دنیا بھر سے آئے ہوئے مسلمانوں نے جمعة الوداع نہایت روح پرور اور ایمان افروز ماحول میں ادا کرنے کی سعادت حاصل کی ۔ اس موقع پر مسجد الحرام کھچا کھچ بھری ہوئی تھی اور مسجد کے باہر بھی چاروں اطراف تاحدِ نگاہ بندگان خدا کا ٹھاٹھیں مارتا ہوا سمند نظر آ رہا تھا۔ جمعة الوداع کی ادائیگی کے بعد اسلام کی سربلندی ، امت مسلمہ کی عظمت رفتہ کی بحالی اور اتحاد بین المسلمین کے لئے خصوصی دعا مانگی گئیں
