سابق ڈی ایس پی ٹریفک غلام عباس نے کہا ہے کہ مخیر حضرات مستحقین کو عید کی خوشیوں میں شامل کرنے کیلئے بھرپور تعاون کریں

(بشیر باجوہ بیورو چیف پاکستان نیوز وائس آف کینیڈا )
سابق ڈی ایس پی ٹریفک غلام عباس نے کہا ہے کہ مخیر حضرات مستحقین کو عید کی خوشیوں میں شامل کرنے کیلئے بھرپور تعاون کریں‘ ہمارا پیارا مذہب اسلام ہمیں بھائی چارے اور محبت کا درس دیتا ہے‘ روزے کا مقصد بھی اپنی خواہشات کو ختم کرکے اپنے آپ کواللہ کی رضا کے لئے وقف کردینا ہے۔ انہوں نے کہا کہ معاشرے میں امن محبت اور بھائی چارے کی فضا قائم کرنے کیلئے ایک دوسرے کے دکھ درد میں شریک ہونا ضروری ہے‘ ہم مشکل وقت میں ایک دوسرے کے کام آ کر معاشرے کو مثالی بنا سکتے ہیں۔ انہوں نے کہا کہ ہمارے ارد گرد جو لوگ غریب اور مستحق افراد موجود ہیں ان کی ہر موقع پر کھل کر مدد کرنی چاہئیے خصوصاً عید الفطر کو ان کی مدد کرکے انہیں اوران کے بچوں کو بھی عید پر خوشیاں دی جاسکتی ہیں۔