مارکیٹ کے صدر اور دوکاندروں سے ملے ۔ ڈی ایس پی اور ایس ا یچ او کو فول پروف سیکیورٹی انتظامات کی ہدایت
بے ہنگم ٹریفک میں بہتری لانے کے لئے اضافی وارڈنز تعینات کئے جائیں گے
(بشیر باجوہ بیورو چیف پاکستان نیوز وائس آف کینیڈا )
مارکیٹوں میں سکیورٹی کے فول پروف انتظامات کو یقینی بنائیں گے ۔بے ہنگم ٹریفک میں بہتری لانے کے لئے اضافی وارڈنز تعینات کئے جائیں گے ۔شہریوں کو ہر صورت تحفظ فراہم کریں گے ۔ان خیالا ت کا اظہار سٹی پولیس آفیسر ا شفاق خان نے گزشتہ روز سیٹیلائیٹ ٹاؤن مارکیٹ کا وزٹ کرتے ہوئے کیا ۔اس موقع پرڈی ایس پی سیٹیلائیٹ ٹاؤن زکریا یوسف، ایس ایچ او محمد سرور ، مارکیٹ کے صدر رانا عمر و دیگران موجود تھے ۔ سی پی او نے پیدل وزٹ کے دوران دوکانداروں سے ملاقات کی ان سے سکیورٹی انتظامات بارے گفتگو بھی کی ۔ انہوں نے مارکیٹ میں خریدو فروخت کے لئے آنے والوں سے بات چیت کرتے ہوئے کہا کہ سیکیورٹی کے پیش نظر مارکیٹ میں سفید پارچات میں ملبوس پولیس جو ان تعینات کئے گئے ہیں جب کہ خواتین کے حفاظت کے لئے لیڈیز پولیس اہلکار بھی موجود ہیں ۔ انہوں نے کہا کہ گوجرانوالہ کی مین مارکیٹس میں ایک ہزار کے قریب پولیس جوان اور رضا کار عوام کی جان و مال کے حفاظت کے لئے الرٹ رہتے ہوئے اپنے فرائض منصبی انجام دے رہے ہیں ۔ ٹریفک کے نظام میں مزید بہتری کے لئے انہوں نے چیف ٹریفک آفیسر کو بھی مناسب ہدایات جاری کیں ۔
