پی ٹی آئی کے نیا پاکستان کی شرمناک جھلک پوری قوم نے مریم اورنگزیب کی پریس کانفرنس کے دوران دیکھ لی، آصف کرمانی

(بشیر باجوہ بیورو چیف پاکستان نیوز وائس آف کینیڈا )
وزیراعظم کے معاون خصوصی ڈاکٹر آصف کرمانی نے کہا ہے کہ پی ٹی آئی کے نیا پاکستان کی ایک اور شرمناک جھلک آج پوری قوم نے مریم اورنگزیب کی پریس کانفرنس کے دوران دیکھ لی۔ انہوں نے کہا کہ پی ٹی آئی غنڈہ گردی کے ذریعے اقتدار تک پہنچنا چاھتی ہے۔ عمران خان اینڈ کمپنی ملک میں انارکی اور خانہ جنگی کی کیفیت پیدا کرنا چاہتے ہیں ، انہوں نے کہا کہ عوام کی حمایت سے پی ٹی آئی کی غنڈہ گردی ناکام بنا دیں گے۔ عمران خان 2018 کے الیکشن میں اپنی شکست کی تیاری ابھی سے شروع کردیں۔ انہوں نے کہا کہ آئندہ الیکشن بھی مسلم لیگ ن کارکردگی کی بنیاد پر انشا اللہ جیتے گی۔