(بشیر باجوہ بیورو چیف نیوز وائس آف کینیڈا )
گھرکابھیدی لنکاڈھائے، بھارتی ایئر چیف نےدفاعی طاقت کاپول کھول دیا
بھارتی فضائیہ کے سربراہ نے کہا ہے کہ ہم کسی بھی طرح پاکستان اور چین سے نہیں لڑ سکتے، وہ گزشتہ دنوں بھارتی آرمی چیف کے اس بیان پر تبصرہ کررہے تھے جس میں انہوں نے اپنی دفاعی طاقت حقیقت سے زیادہ بیان کردی تھی۔ بھارتی فضائیہ کے سربراہ کے مطابق بھارتی فوج اس قابل نہیں ہے کہ وہ بیک وقت پاکستان اور چین کا مقابلہ کرسکے، لہذا اس حوالے سے بھارتی بری فوج کے سربراہ کا بیان حقیقت کے برعکس ہے، بھارتی ایئر چیف کے اس بیان سے یہ بات بھی کھل کر سامنے آگئی ہے کہ بھارت کی تینوں افواج کے سربراہان میں بہتر ہم آہنگی نہیں پائی جاتی، اس سے ثابت ہوتا ہے کہ بھارتی مسلح افواج کے سربراہان کے اختلافات کھل کر سامنے آگئے ہیں۔
