امریکہ گوٹ ٹیلنٹ سٹار ٹریفک حادثے میں ہلاک

واشنگٹن 17جون 2017
(بشیر باجوہ بیورو چیف پاکستان نیوز وائس آف کینیڈ)
اس نوجوان کے سوشل میڈیا ویب سائٹ انسٹاگرام پر ہزاروں مداح تھے
غیر ملکی خبر رساں ادارے کے مطابق امریکا گوٹ ٹیلنٹ پروگرام سے راتوں رات شہرت کی بلندیوں کو چھونے والے نوجوان برینڈن راجرز ایک ٹریفک حادثے میں ہلاک ہو گئے ہیں۔ اس باصلاحیت نوجوان گلوکار نے سوشل میڈیا پر اپنے گانے کی ویڈیوز اپ لوڈ کی تھیں جس کے بعد امریکا گوٹ ٹیلنٹ کی انتظامیہ نے اسے اپنے پروگرام میں اپنے جوہر دکھانے کا موقع فراہم کیا۔
اس نوجوان کے سوشل میڈیا ویب سائٹ انسٹاگرام پر ہزاروں مداح تھے۔غیر ملکی خبر رساں ادارے کے مطابق آنجہانی برینڈن بہت با صلاحیت نوجوان تھے جنہوں نے میڈیکل کی تعلیم بھی حاصل کر رکھی تھی۔ انہوں نے دو سال قبل اپنی میڈیکل کی تعلیم مکمل کی تھی اور ان دنوں ایک ہسپتال میں اپنی خدمات سرانجام دے رہے تھے۔