لندن 15جون 2017
(بشیر باجوہ نیوز وائس آف کینیڈ)
لندن کاچوبیس منزلہ گرینفل ٹاورآگ کی زد میں آیا، دوسری منزل سے شروع ہونے والی آگ نے دیکھتے ہی دیکھتے پوری عمارت کو اپنی لپیٹ میں لے لیا، عمارت کی کھڑکیوں سے نکلتے شعلوں کے درمیان لوگ مدد کے لیے چیخ پکار کرتےرہے۔ فائربریگیڈ کی چالیس گاڑیوں اور دو سو سے زائد فائر فائٹروں نے موقع پر پہنچ کر لوگوں کو باہر نکالا تاہم اب بھی متعدد لاپتہ افراد کےعمارت میں ہونے کا خدشہ ہے، حادثےکےوقت عمارت کےایک سو بیس فلیٹوں میں 6 سو سے زائد افراد موجود تھے۔ آگ پر اب تک مکمل طور پر قابو نہیں پایا جا سکا ہے اور تباہ شدہ عمارت کے زمین بوس ہونے کا خدشہ ظاہر کیا جارہا ہے۔
