امریکا مسلمانوں سمیت دنیا کے امن کا دشمن ہے۔ مسلمان حکمران قبلہ اول کی بازیابی کے لئے متحد ہو جائیں،
7 جون 2017
(بشیر باجوہ بیورو چیف پاکستان نیوز وائس آف کینیڈاراولپنڈی)
مسلمان حکمران قبلہ اول کی بازیابی کے لئے متحد ہو جائیں، امریکا مسلمانوں سمیت
دنیا کے امن کا دشمن ہے۔
رمضان المبارک کے آخری جمعہ کو ملک بھر میں یوم القدس منایا جائے ۔ فلسطین
فاؤنڈیشن پاکستان کی اپیل
قبلہ اول بیت المقدس کی بازیابی کی جد وجہد میں ملک بھر میں 146146القدس کانفرنسز145145 اور تصویری نمائشوں کا انعقاد کیا جائے گا۔
فلسطینی مزاحمتی تحریکوں کی مکمل حمایت کا اعلان کرتے ہیں،فلسطینی دہشت گرد نہیں بلکہ امریکا اور اسرائیل سب سے بڑے دہشت گرد ہیں
مظفر ہاشمی، قاضی نورانی، مولانا باقر زیدی، ازہر ہمدانی، اسرار عباسی، فیصل شیخ، کرامت علی اور صابر ابو مریم کی مشترکہ پریس کانفرنس
فلسطین فاؤنڈیشن پاکستان کے مرکزی رہنماؤں سابق رکن قومی اسمبلی و رہنما جماعت اسلامی مظفر احمد ہاشمی، پاکستان تحریک انصاف کے اسرار عباسی، مجلس وحدت مسلمین کے مولانا باقر زیدی، جمعیت علماء پاکستان کے علامہ قاضی احمد نورانی،پائیلر کے صدر کرامت علی،پاکستان مسلم لیگ نواز کے رہنما ازہر علی ہمدانی،پاکستان پیپلز پارٹی کے رہنما فیصل شیخ، اور فلسطین فاؤنڈیشن پاکستان کے مرکزی سیکرٹری جنرل صابر ابو مریم نے کراچی پریس کلب میں مشترکہ پریس کانفرنس سے خطاب کرتے ہوئے کہا ہے کہ مسئلہ فلسطین کو اجاگر کرنے کے لئے رمضان المبارک میں 146146القدس کانفرنسز145145 کا انعقاد کیا جائے گا، سولہ رمضان کو کراچی جبکہ بیس رمضان کو کوئٹہ اور بائیس رمضان کو اسلام آباد سمیت ملتان اور لاہور میں کانفرنسز کا انعقاد کیا جائے گاجس میں پاکستان کی سیاسی و مذہبی جماعتوں کے قائدین اور سول سوسائٹی سمیت انسانی حقوق کے لئے سرگرم عمل این جی او ز کے اعلیٰ عہدیدار شریک ہوں گے۔انہوں نے کہاکہ کراچی میں جمعۃ الوداع یوم القدس کے موقع پر ایم اے جناح روڈ پر فلسطینی عوام پر ڈھائے جانیو الے صیہونی مظالم پر مبنی تصویری نمائش کا انعقاد بھی کیا جائے گا۔
ان کاکہنا تھا کہ مسلمان حکمران قبلہ اول کے لئے متحد ہو جائیں اور یاد رکھیں کہ امریکا او ر اس کی ناجائز اولاد اسرائیل نہ صرف مسلمانوں کا دشمن ہے بلکہ پوری دنیا کے امن کے دشمن ہیں، انہوں نے کہا کہ القدس مسلم امہ کے اتحاد کا مرکز و محور ہے تاہم مسلمان دنیا کو چاہئیے کہ اپنا قبلہ امریکا کی بجائے قبلہ اول کی طرف کرے ، انہوں نے امریکا کی جانب سے فلسطینی مزاحمتی گروہوں کو دہشت گرد قرار دئیے جانے کی شدید الفاظ میں مذمت کرتے ہوئے کہا کہ امریکا اور اسرائیل دنیا کے سب سے بڑے دہشت گرد ہیں اور حیرت کی بات ہے کہ لاکھوں انسانوں کے قاتل امریکا اور اسرائیل آج فلسطینی مظلوموں کو دہشت گرد قرار دے کر اپنے ناپاک عزائم کی تکمیل کرنا چاہتے ہیں، انہوں نے پاکستان کے عوام سے اپیل کرتے ہوئے کہا کہ رمضان المبارک کے آخری جمعہ کو ملک بھر میں یوم القدس منایا جائے اور فلسطینیوں کے ساتھ سیاسی واخلاقی حمایت کی جائے ، رہنماؤں کاکہنا تھا کہ پاکستان کے عوام فلسطینیوں کے ساتھ ہیں اور فلسطینی مزاحمتی تحریکوں کی بھرپور سیاسی و اخلاقی حمایت کا اعلان کرتے ہیں۔
