پیپلز پارٹی رہنما قمر زمان کائرہ کا ساتھیوں سمیت پی ٹی آئی میں شمولیت کا فیصلہ…

*بشیر باجوہ بیورو چیف پاکستان نیوز وائس آف کینیڈا*
میاں حسیب مدنی سے
اسلام آباد :-پیپلز پارٹی کے سینئیر راہنما قمر زمان کائرہ نے ساتھیوں سمیت پی ٹی آئی میں شمولیت کا فیصلہ کر لیا ہے۔* نیوز وائس آف کینیڈا کے مطابق فردوس عاشق اعوان، نور عالم خان اور نذر محمد گوندل کے پی ٹی آئی میں شامل ہونے کے بعد پیپلز پارٹی کے مزید رہنماؤں نے پاکستان تحریک انصاف میں شامل ہونے کا فیصلہ کر لیا ہے۔
ان رہنماؤں میں قمر زمان کائزہ، امتیاز صفدر وڑائچ، ندیم افضل چن،ذوالفقار علی گوندل اور دیگر رہنما شامل ہیں۔ ان تمام رہنماؤں نے پاکستان تحریک انصاف کو پیغام بھجوایا ہے کہ وہ پی ٹی آئی میں شمولیت کے خواہشمند ہیں۔ یہی نہیں جنوبی پنجاب سے مخدوم شہاب الدین، شوکت بسرا اور پلوشہ خان نے بھی پی ٹی آئی میں شمولیت کے لیے رابطہ کر لیا ہے۔ ان تمام رہنماؤں کے پی ٹی آئی میں شامل ہونے کا اعلان بعد از عید الفطر متوقع ہے-