پاکستان کاکنٹرول لائن پر بھارت کی بلااشتعال فائرنگ کا بھر پور جواب پانچ بھارتی فوجی ہلاک اورمتعدد بھارتی بنکرز تباہ کر دیئے، آئی ایس پی آر

اسلام آباد:- 3 جون
(بشیر باجوہ بیورو چیف پاکستان نیوز وائس آف کینیڈا )
پاکستان نے ہفتہ کو کنٹرول لائن پر تتہ پانی کے مقام پر بھارت کی بلااشتعال فائرنگ کا بھر پور جواب دیا۔پاک فوج نے منہ توڑ جوابی کارروائی کرتے ہوئے پانچ بھارتی فوجی ہلاک اورمتعدد بھارتی بنکرز بھی تباہ کر دیئے ۔ہفتہ کو پاک فوج کے شعبہ تعلقات عامہ کے ڈائریکٹر جنرل نے ٹویٹر پرایک پیغام میں کہا کہ بھارتی فورسز نے کنٹرول لائن پر تتہ پانی کے مقام پر بلا اشتعال فائرنگ کی ۔پاک فوج کی منہ توڑ جوابی کارروائی میں پانچ بھارتی فوجی ہلاک اور کئی زخمی ہوگئے۔انہوں نے کہا کہ متعدد بھارتی بنکرز بھی تباہ کر دیئے گئے۔