گوجرانوالہ پولیس کی شاندار کارکردگی 838ناجائز ہتھیار برآمد ، منشیات فروشی کے خلاف1302مقدمات درج۔
گوجرانوالہ یکم جون
(بشیر باجوہ بیوروچیف پاکستان نیوز وائس آف کینیڈا
سٹی پولیس آفیسراشفاق خان کے احکامات کے پیش نظر ضلعی پولیس نے رواں سال کے دوران منشیات فروشوں اور ناجا ئز اسلحہ کے خلاف کریک ڈاون کے نتیجہ میں شاندار کارکردگی کا مظاہرہ کرتے ہوئے منشیات فروشی کے خلاف1302مقدمات درج کر کے 16کلو گرام ہیروئن، 318 کلو گرام چرس،12کلو گرا م افیون ،7911 لٹر شراب برآمد جبکہ53 شرابی گرفتار اور07 شراب کی چالو بھٹیاں پکڑیں ۔ ناجائز اسلحہ کے خلاف موثر کاروائی کے نتیجہ میں 838مقدمات درج رجسٹر کر کے 38 کلاشنکوف، 68 رائفل،80 بندوقیں،676پسٹل اور ریوالور اور08 تیز دھار چھریاں و14,465 گولیاں برآمد کیں۔ مزید براں جواء ایکٹ کے تحت 34 مقدمات، ایمپلی فائر ایکٹ کے تحت 67 مقدمات اور اسلحہ کی نمائش پر44 جبکہ کائٹ فلائنگ ایکٹ کے تحت 541مقدمات درج کیے گئے۔اس موقع پر سٹی پولیس آفیسراشفاق خان نے کہا ہے کہ پولیس اپنے فرائض سے غافل نہیں ۔شرپسندعناصر کے خلاف موثر کارروائی عمل میں لائی جا رہی ہے ۔
