ریاض (آئی این پی) سعودی عرب کے مشرقی علاقے عوامیہ میں بم دھماکے کے نتیجے میں پولیس کے 2اہلکار زخمی ہو گئے، عوامیہ میں شیعہ مسلم آبادی کی کثرت ہے۔ سعودی عرب کے مشرقی علاقے عوامیہ میں یہ 2ہفتوں کے دوران دوسرا دھماکا ہے جس دوران المصورہ میں پرانی عمارت کا ملبہ گرانے والے ورکرز کی حفاظت کیلئے مامور سکیورٹی فورسز کو نشانہ بنانے کی کوشش کی گئی ہے۔ اس عمارت کو مسلح افراد پناہ گاہ کے طور پر استعمال کرتے تھے۔ سعودی وزارت داخلہ نے بھی خبرکی تصدیق کر تے ہوئے کہا ہے کہ دھماکا دیسی ساختہ بم کا تھا۔
