پنجاب بھر کے تمام تعلیمی اداروں میں موسم گرما کی تعطیلات 25 مئی بروز جمعرات سے شروع ہونگی

رحیم یار خان۔ 21مئی 2017
(بشیر باجوہ بیورو چیف پاکستان نیوز وائس آف کینیڈا )
پنجاب بھر کے تمام تعلیمی اداروں میں موسم گرما کی تعطیلات 25 مئی بروز جمعرات سے شروع ہونگی جبکہ24 مئی بروز بدھ کو آخری ورکنگ ڈے ہوگانیز اس سلسلہ میں سیکرٹری سکولز ایجوکیشن ڈیپارٹمنٹ پنجاب کی جانب سے نوٹیفکیشن بھی جاری کردیا گیاہے پنجاب بھر کے تمام سرکاری، نیم سرکاری، نجی، پرائیویٹ تعلیمی اداروں، سکولز میں موسم گرما کی تعطیلات یکم جون کی بجائے 25 مئی بروز جمعرات سے شروع ہوکر 14 اگست بروز پیر تک جاری رہیں گی اور 15 اگست بروز منگل سے دوبارہ تعلیمی و تدریسی سرگرمیوں کا آغاز ہوگا۔نوٹیفکیشن کے مطابق تعلیمی اداروں میں لاسٹ ورکنگ ڈے 24 مئی بروز بدھ کو ہوگا اور تمام پرائیویٹ و نجی اور نیم سرکاری تعلیمی ادارے بھی مذکورہ احکامات پر عملدرآمد کے پابند ہوں گے۔