ممبئی(نیوز وی او سی آن لائن)ماضی کی خوبرو اداکارہ ماہیماچوہدری جنہوں نے شاہ رخ خان کے ساتھ فلم”پردیس“ سے کافی شہرت سمیٹی تھی اب موٹاپے کی وجہ سے فلمی دنیا سے دور ہونے پر مجبور ہوگئی ہیں۔
بھارتی میڈیا کے مطابق فلموں ”دھڑکن“،”کھلاڑی420 “ اور ”دل کیا کرے“ میں اپنے حسن کے جلوے بکھیرنے والی بالی ووڈ اداکارہ ماہیما چوہدری کی ایسی تصاویر منظر عام پر آئی ہیں جن کو دیکھ کر اس بات کا اندازہ ہوتا ہے کہ موٹاپا ہی ان کے فلمی دنیا سے دور ہونے کی اصل وجہ ہے۔
ماہیما چوہدری نے 2006 ءمیں معروف بزنس مین بوبی مکھرجی سے شادی کے بعد فلمی دنیا سے کنارہ کشی اختیار کرلی تھی مگر اداکارہ نے 2016 میں فلم”ڈارک چاکلیٹ“ سے ایک مرتبہ پھر اداکاری کے میدان میں واپسی کی مگر اب وہ مکمل طور پر فلمی دنیا سے کنارہ کشی اختیار کرچکی ہیں جبکہ اس کی اصل وجہ ان کا فربہ ہونا ہے ۔
