گوادر: گنت پیشکان کے علاقے میں نامعلوم افراد نے فائرنگ کر کے 9 مزدوروں کو قتل کردیا۔ زرائع کے مطابق بلوچستان کے ضلع گوادر کے علاقے گنت پیشکان میں نامعلوم افراد نے سڑک کی تعمیر میں مصروف مزدوروں پر فائرنگ کر کے 9 افراد کو جاں بحق اور دو کو زخمی کردیا۔ لیویز ذرائع کے مطابق فائرنگ کے واقع میں جاں بحق اور زخمی ہونے والوں کو گوادر اسپتال منتقل کر دیا گیا ہے جہاں ایک زخمی کی حالت تشویشناک بنائی جا رہی ہے۔ ذرائع کے مطابق فائرنگ میں جاں بحق ہونے والوں کا تعلق پنجاب اور سندھ کے مختلف علاقوں سے ہے۔ واضح رہے کہ کچھ عرصہ قبل بھی نامعلوم افراد نے بلوچستان کے اسی علاقے میں فائرنگ کر کے 7 مزدوروں کو قتل کر دیا تھا۔
*گوادر:جاں بحق مزدوروں میں 9کی شناخت ہوگئی*
۱۔محمد خان،
۲۔علی دوست،
۳۔شعبان
۴۔عبدالحکیم
۵۔رسول بخش
۶۔وحید
۷۔ظہیر
۸۔ صدام
۹۔آصف
تمام نو مزدوروں کا تعلق نوشہروفیروز سندھ سے ہے
