کراچی کے علاقے کیماڑی میں رینجرز نے کارروائی کرتے ہوئے اغوا کار کو گرفتار کرلیا جبکہ مغوی کو بازیاب کرالیا۔
ترجمان رینجرز کے مطابق رینجرز نے کیماڑی میں مسان چوک پر واقع فلیٹ میں کارروائی کرکے اغوا کار کو گرفتار کرکے مغوی کو بازیاب کرالیا۔
ترجمان رینجرز کا کہنا ہے کہ اغوا کار نعیم نے 18 اپریل کو ساتھیوں کے ہمراہ مراد خان کو عزیز آباد کے علاقے سے اغوا کیا تھا،مغوی مراد خان ہوٹل مالک ہے اور اغواکاروں نے مغوی کی رہائی کے لیے 22 لاکھ روپے تاوان بھی طلب کیا تھا۔
ترجمان رینجرز نے بتایا کہ رینجرز نے ٹیکنیکل مانیٹرنگ کے ذریعے کارروائی کرکے مغوی کو بازیاب کرایا ہے، ملزم کے خلاف تھانہ جیکسن میں مغوی مراد خان کے اغوا کا مقدمہ بھی درج ہے۔
ملزم کو قانونی چارہ جوئی کے لیے پولیس کے حوالے کردیا گیا ہے۔
