نوشہرہ -پاکستان 5 مئی 2017
(بشیر باجوہ بیورو چیف پاکستان نیوز وائس آف کینیڈا )
نوشہرہ: خیبر پختون خوا کے شہر نوشہرہ میں پی ٹی آئی آج عوامی طاقت کا مظاہرہ کررہی ہے، پارٹی چیئرمین عمران خان جلسہ گاہ پہنچ گئے۔
تازہ اطلاعات کے مطابق پرویزخٹک سمیت پی ٹی آئی کے دیگر رہنما اور عوامی مسلم لیگ کے سربراہ اسٹیج پر موجود ہیں۔ جلسے میں کارکنان کی بڑی تعداد شریک ہے جنہوں نے پاکستان اور پارٹی پرچم اٹھائے ہوئے ہیں۔
نیوز وائس آف کینیڈا کے نمائندہ نے بتایا کہ جلسے کا انعقاد نوشہرہ کے بڑے گراؤنڈ میں کیا جارہا ہے، جلسے میں موجود شرکا گو نواز گو کے نعرے لگارے ہیں، ڈی جیز نے نئی دھنیں بنائی ہیں جو وقفے وفقے سے پیش کی جارہی ہیں۔
عمران خان سے قبل پارٹی کے دیگر قائدین خطاب کریں گےآخری خطاب پارٹی چیئرمین عمران خان کریں گے، نوشہرہ کے علاوہ دیگر اضلاع سے بھی کارکنان یہاں پہنچے ہوئے ہیں۔
پی ٹی آئی کو سیالکوٹ میں جلسہ کرنے کی اجازت مل گئی
دریں اثنا پاکستان تحریک انصاف کو سیالکوٹ میں 7مئی کو جلسہ کرنے کی اجازت مل گئی۔ عمران خان جناح اسٹیڈیم میں جلسے سے خطاب کریں گے ، پی ٹی آئی کی ضلعی قیادت جناح اسٹیڈیم میں انتظامات کا جائزہ لینے کے لیے پہنچ گئی۔
