کراچی آرٹس کونسل میں کامیڈی سٹیج ڈرامہ ’’سرقلم ‘‘پیش –

کراچی (سٹاف رپورٹر) اسلام آباد میں مقبولیت کے جھنڈے گاڑنے کے بعد The Insane Productionsکا کامیڈی تھیٹر "سرقلم”کراچی آرٹس کونسل میں گزشتہ روز پیش کیا گیا ۔ڈرامے کے ریڈ کارپٹ پراحد رضا میر، آصف رضا میر ، مزنہ ابراہیم، سید ٹیپو شریف، دانش نواز، نعیم حق، ہانیہ عامر، قاسم خان، سمیت دیگر معروف اداکاروں نے شرکت کی۔کامیڈی پلے "سرقلم "کی کہانی سائبان خالق نے پیش کی ہے جبکہ اسے آئی ایس پی آر کا تعاون حاصل ہے ، ڈرامے کے کرداروں میں شمائل خٹک، ایمن شجا ع زبیری، سردار عثمان، زینب راجہ، طیب انور، سرمد بشیر، سائبان خالق اور واثق علی ضیاشامل ہیں ، اس کی کہانی معروف ڈرامہ نگار منصور کلام نے تحریر کی ہے اس حوالے سے سائبان خالق کا کہنا تھا یہ ایک دلچسپ اور مزاح سے بھرپور ڈرامہ ہے اور مجھے خوشی ہے کہ یہ ڈرامہ میں کراچی والوں کیلئے پیش کررہا ہوں ۔