منور علی شاہد
بیوروچیف جرمنی
عالمگیرمسلم جماعت احمدیہ کے پانچویں خلیفہ حضرت مرز مسرور احمد سترہ روزہ دورہ پر کل رات8 اپریل کو مقامی وقت کے مطابق پونے نو بجے کے قریب بیت السبوح فرینکفرٹ جرمنی پہنچ گئے جہاں سینکڑوں کی تعداد میں احمدی مرد وخواتین اور بچوں نے اپنے روحانی امام کا پرجوش استقبال کیا۔ جماعت کی طرف سے جاری ہونے والی پریس ریلیز کے مطابق عالمگیر جماعت احمدیہ کے پانچویں خلیفہ حضرت مرزا مسرور احمد صاحب کا لندن سے بذریعہ کار یورپ میں داخل ہونے پر جرمنی کی جماعت احمدیہ کے نیشنل امیر اور دیگر عہدیداران جماعت نے اپنے روحانی امام کا استقبال کیا۔ پریس ریلیز کے مطابق مسلم جماعت احمدیہ کے روحانی امام پنے دورہ کے دوران متعدد نئی مساجد کا سنگ بنیاد رکھیں گے اور تعمیر ہو جانے والی نئی مساجد کا افتتاح فرمائیں گے پریس ریلیز میں مزید کہا گیا ہے کہ اس دورہ کے دوران امام جماعت احمدیہ ہزاروں کی تعداد میں مسلم احمدیوں سے ملاقاتیں بھی کریں گے اور بہت سی اہم میٹنگز کی صدارت بھی فرمائیں گے
