تحریک انصاف دو ہزار تیرہ کے عام انتخابات میں دھاندلی کے حوالے سے نئے الزامات کے ساتھ سامنے آ گئی ہے۔نعیم الحق نے الزام لگایا ہے کہ دو ہزار تیرہ میں نواز شریف کو جتوانے کے لیے اسکیم جنرل کیانی، امریکا اور سعودی عرب نے تیار کی۔
جیو نیوز کے پروگرام آج شاہ زیب خانزادہ کے ساتھ میں بات چیت کرتے ہوئے انھوں نے کہا کہ انھیں ثبوت دینے کی ضرورت نہیں، قوم سب جانتی ہے۔انھوں نے کہا کہ ہمیں بھی سب پہلے سے ہی معلوم تھا۔
نعیم الحق نے یہ بھی کہا کہ جنرل کیانی کو چیلنج کرتا ہوں کہ وہ آئیں اور اس بات کی تردید کریں۔
پی ٹی آئی رہنما نے مزید کہا کہ ہماری حکومت آئی تو پچھلے الیکشن کی تحقیقات کے لیے کمیشن بنائے گی۔
