امیر جماعت اسلامی سراج الحق نے کہا ہے کہ اگر قوم کو عدالتوں سے انصاف نہیں ملا تو فیصلے چوکوں اور چوراہوں پر ہوں گے۔ احتساب ہوگیا تو ایوانوں میں بیٹھنے والے جیلوں میں نظر آئیں گے۔
امیر جماعت اسلامی نے یہ بات چارسدہ میں جلسہ عام سے خطاب کرتے ہوئے کہی۔ سراج الحق کا مزید کہنا تھا کہ پاکستانی قوم نے سیکولر اور لبرل ازم کے لیے قربانیاں نہیں دیں تھیں، جو لوگ یہ چاہتے ہیں وہ کسی اور ملک چلے جائیں۔
ان کا کہنا تھا کہ ووٹ غریب عوام کا ایٹم بم ہے جسے وہ اپنے حقوق کے لیے استعمال کریں۔مستقبل کے پاکستان میں لٹیروں اور جاگیرداروں کی کوئی جگہ نہیں ہوگی۔
