پنجاب یونیورسٹی گوجرانوالہ کے لیکچرارکی گاڑی ڈسٹرکٹ ہسپتال کی پارکنگ سے مل گئی ،لیکچرار گذشتہ روز پنجاب یونیورسٹی سے نکلنے کے بعد لاپتہ ہو گئے تھے ۔
(بشیر باجوہ بیورو چیف پاکستان نیوز وائس آف کینیڈا)
گوجرانوالہ۔ پنجاب یونیورسٹی گوجرانوالہ کے لیکچرارکی گاڑی ڈسٹرکٹ ہسپتال کی پارکنگ سے مل گئی ،لیکچرار گذشتہ روز پنجاب یونیورسٹی سے نکلنے کے بعد لاپتہ ہو گئے تھے ۔یونیورسٹی ترجمان
پنجاب یونیورسٹی گوجرانوالہ کیمپس کے شعبہ آئی ٹی کے لیکچرار گذشتہ روز سے پراسرار طور پر لاپتہ ہو گئے تھے،جن کی گاڑی پولیس کو آج ڈسٹرکٹ ہیڈ کوارٹر ہسپتال کے پارکنگ اسٹینڈسے مل گئی ہے، لیکن لیکچرار ذیشان ارشد کا تاحال کوئی سراغ نہیں مل سکا، یونیورسٹی ترجمان کے مطابق آئی ٹی لیکچرارذیشان ارشد اپنی پرائیویٹ گاڑی میں لیپ ٹاپ لے کر چھٹی کے بعدیونیورسٹی سے نکلے تھے ،جس کے بعد وہ لاپتہ ہو گئے ، واقعہ کی اطلاع ملنے پر تھانہ سول لائن پولیس نے موقع پر پہنچ کر گاڑی کو اپنی تحویل لے کر تحقیقات شروع کر دی ہیں، پولیس کا کہنا ہے کہ ہسپتال میں موجود سی سی ٹی وی فوٹیج کے مطابق یہ گاڑی رات سات سے آٹھ بجے کے قریب یہاں پر پارک کی گئی تھی ، مزید تحقیقات جاری ہیں اور جلد ہی حقائق سامنے آ جائیں گے ۔
