ضلعی پولیس کا سرچ آپریشن۔ 03مجرم اشتہاری گرفتار ، 03پسٹل ،1300گرام چرس اور 49لیٹر شراب پکڑی گئی ۔ شر پسند عناصر کے خلاف کارروائی جاری رہے گی ۔ ایس ایس پی آپریشنز محمد ندیم گوجرانوالہ

(بشیر باجوہ بیورو چیف پاکستان نیوز وائس آف کینیڈا)
گوجرانوالہایس ایس پی آپریشنز محمد ندیم کھوکھر کی ہدایات کے پیش نظر ضلعی پولیس کی جانب سے شرپسند عناصر کے خلاف موثر کارروائیاں اور کومبنگ آپریشنز کا سلسلہ جاری ہے۔گزشتہ روز سٹی ڈویژنز سمیت دیگر علاقہ جات میںآپریشنز کے دوران تین مجرم اشتہاری پکڑ ے گئے ۔ تین پسٹل، تیرہ سو گرام چرس اور انچاس لٹر شراب بھی قبضہ پولیس میں لی گئی ۔ اس موقع پر ایس ایس پی آپریشنز محمد ندیم کھوکھر کا کہنا ہے کہ روزانہ کی بنیا د پر سماج دشمن عناصر کے خلاف مربوط اور بلا امتیاز کارروائیاں جاری ہیں ۔انہوں نے مزید کہا کہ ایس ڈی پی اوز کو اس ضمن میں مناسب ہدایات جاری کر دیں گئی ہیں ۔ دوران آپریشنز تمام حفاظتی و ضروری انتظامات کومد نظر رکھا جائے گا۔ تھانہ کی سطح پر ایس ایچ اوز پولیس نفری کو بریف کرنے کے ذمہ دار ہوں گے ۔