معیاری فلموں کیلئے گانے کی پیشکش قبول کرونگی:شاہدہ منی
تعلیم یافتہ نوجوانوں نے جدیدفلمیں بنا کر صنعت کاگلشن آبادکیاہے :گلوکارہ
لاہور(فلمی رپورٹر)پرائڈ آف پرفارمنس گلوکارہ شاہد ہ منی نے کہاہے کہ پاکستانی فلموں کی پذیرائی خوش آئندہے ،معیاری فلموں کے لئے گانے کی پیشکش ہوئی توضرورنغمات گائوں گی ۔ایک بیان میں انکاکہناتھاکہ فلمی صنعت میں ہنرمندوں اورفنکاروں کے لئے گزشتہ کئی برس مایوسی میں گزرے ہیں لیکن تعلیم یافتہ نوجوانوں نے جدیدفلمیں بناکرایک بارپھرفلمی صنعت کاگلشن آبادکیاہے ۔بلاشبہ آغازمیں کچھ خامیاں بھی رہ جاتی ہیں لیکن ہمیں نوجوانوں پر تنقید کرنے کے بجائے ان کی حوصلہ افزائی کرنی چاہیے تاکہ وہ محنت کے ذریعے اپنے کام میں نکھارپیداکریں۔شاہدہ منی کاکہناتھاکہ ہدایتکارفیصل بخاری نے اپنی فلم سلطنت کے ایک گیت کے لئے پیشکش کی تومیں نے سونے دی تویتڑی ریکارڈکرایاجسے بہت پسندکیاگیا۔پوری فلم کے گیتوں میں میرے نغمے کوسب سے زیادہ پذیرائی ملی ۔میں ان دنوں اپنے میوزک البم پرکام کررہی ہوں جس کے گیتوں کی ویڈیوزبھی بنائی جائیں گی۔
