اسلام آباد(نیوز وی او سی)عوامی مسلم لیگ کے سربراہ شیخ رشید احمد نے کہاہے معاملہ نیب میں جانے سے پہلے وزیراعظم نواز شریف فوری طور پر مستعفی ہوں ورنہ جیل جائیں گے ،44مسلم لیگی ارکان اسمبلی اپنا گروپ بنانے کیلئے تیارہیں۔راولپنڈی میں پریس کانفرنس کے دوران انکاکہناتھاقوم کسی صورت جمہوریت کی بساط لپیٹنے نہیں دیگی،تاہم نواز شریف کا مستقبل جیل میں گزرے گا، جھوٹ کی داستان انجام کوپہنچ گئی، ہم ایک کو روتے تھے لیکن یہاں تو پورا شریف خاندان ہی چور نکل آیا۔ پیر کوسپریم کورٹ سے استدعا کرونگا کہ نوازشریف کوبلایاجائے میں ان سے جرح کرنا چاہتاہوں،نوازشریف کے نااہل ہونے میں کوئی شک نہیں رہا جبکہ مسلم لیگ(ن)کے 44 ارکان قومی اسمبلی الگ گروپ بنانے کیلئے تیار بیٹھے ہیں۔
