👇👇👇🇵🇰🤝🇨🇦
Voice of Canada
*کراچی: محسن نقوی کا نادرا میگا سینٹر نارتھ ناظم آباد میں نئے پاسپورٹ آفس کا افتتاح*

کراچی: وفاقی وزیرداخلہ محسن نقوی نے شہریوں کی سہولت کیلئے اقدام اٹھاتے ہوئے نادرا میگا سنٹر نارتھ ناظم آباد میں بھی پاسپورٹ آفس کھول دیا۔

محسن نقوی نے نادرا میگا سنٹر نارتھ ناظم آباد میں قائم نئے پاسپورٹ آفس کا افتتاح کر دیا، اس موقع پر وزیر داخلہ نے پاسپورٹ بنوانے کے کاؤنٹرز کا معائنہ کیا اور عملے سے ملاقات کی

وفاقی وزیر داخلہ محسن نقوی کو نادرا سنٹر میں قائم پاسپورٹ آفس کی ورکنگ کے بارے بریفنگ دی گئی۔

انہوں نے نادرا میگا سنٹر میں شناختی کارڈز اور پاسپورٹ بنوانے کیلئے آئے شہریوں سے ملاقات کی اور پراسیس کے بارے پوچھا جس پر شہریوں نے بہترین سہولتوں کی فراہمی پر اطمینان کا اظہار کیا اور وزیر داخلہ محسن نقوی کا شکریہ اداکیا۔

شہریوں نے کہا کہ بہت زبردست سہولت ملی ہے، آپ نے ہمارے لئے بہت آسانیاں پیدا کر دی ہیں۔

وزیر داخلہ محسن نقوی نے بے نظیر انکم سپورٹ پروگرام کے تحت بائیو میٹرک کرانے کیلئے خواتین کے مسائل سنے اور موقع پر ہی متعلقہ حکام کو حل کیلئے ہدایات دیں، بزرگ خواتین نے مسائل کے حل کیلئے فوری احکامات پر وزیر داخلہ محسن نقوی کا شکریہ ادا کیا۔

محسن نقوی کا کہنا تھا کہ پاسپورٹ آفس 3 شفٹ میں 24 گھنٹے کام کرے گا، شہری 24 گھنٹے پاسپورٹ بنوا سکیں گے، آپ کے مسائل حل کرنا ہماری ذمہ داری ہے۔

https://whatsapp.com/channel/0029VaCmBaI84OmAfXL45G1k